1. “ፋይዳ” ዲጂታል መታወቂያ ምንነው? ጠቀሜታውስ?

ፋይዳ ብሔራዊ ዲጂታል መታወቂያ ግለሰቦች ማንነታቸውን እንዲያረጋግጡ የሚያስችል እና ለአገልግሎት አቅራቢዎች ታማኝ የዲጂታል ማረጋገጫ በዚያው ቅጽበት የሚሰጥ መታወቂያ ስርዓት ነው ።

ጠቀሚታውም;

• መሰረታዊ “የመታወቅ መብትን” የሚሰጥ ትክክለኛ እና ህጋዊ የማንነት ማረጋገጫ ነው።
• በሁሉም አካባቢዎች የተለያዩ የገቢ ደረጃ ላይ ላሉ እና የከተማ መስፋፋት ውስጥ ለሚካተቱ ማህበረሰቦች፣ ፍትሃዊ ተደራሽነት እንዲኖር የሚያስችል የመታወቂያ ስርአት ነው።
• በባዮሜትሪክ ላይ የተመሰረተ መለያ ሲኖር የአንድ ሰው ካርድ ወይም የምስክር ወረቀት መጥፋት ማለት የማንነት ማጣት ማለት አይደለም
• በአገልግሎት ሰጪ እና በተጠቃሚው መካከል ለሚደረጉ ግብይቶች ተአማኒነትን ይጨምራል ፣ ይህም ቀልጣፋ አገልግሎት ለመስጠት ያስችላል
• በሁሉም የሀገሪቱ ኢኮኖሚያዊ፣ ማህበራዊ እና ፖሊሲዎች ተጠያቂነትን እና ግልፅነትን ያበረታታል።

2. ለፋይዳ ዲጂታል መታወቂያ ብቁ የሆነው ማነው?

ኢትዮጵያ ውስጥ የሚገኝ ህጋዊ ነዋሪ በሙሉ ለፋይዳ ዲጂታል መታወቂያ ብቁ ነው። በ "ረቂቅ አዋጁ" ነዋሪ የሚገለፀው “በህጋዊ መልኩ ኢትዮጵያ ውስጥ የሚኖር ፣ ኢትዮጵያዊ ዜግነት ያለው ወይም የሌለው የተፈጥሮ ሰው እንዲሁም በሀገሪቱ ህግ መሰረት በኢትዮጵያ ውስጥ የሚኖር ወይም የሚሰራ የውጭ ሀገር ዜጋ ነው።” ይህም የሚያካትተው ፡-

1. ዕድሜያቸው ከ 5 ዓመት በላይ የሆኑ ልጆች መመዝገብ ይችላሉ። ከ 5 ዓመት በታች ለሆኑ ህጻናት, በቅርቡ ልዩ የምዝገባ ፕሮግራም የምንጀምር ይሆናል።
2. ኢትዮጵያዊ እና ኢትዮጵያዊ ያልሆኑ የነዋሪነት ማረጋገጫ ያላቸው
3. የመኖሪያ አድራሻ ማረጋገጫ ሰነድ ያላቸውም ሆነ የሌላቸው ፤ ኢትዮጵያ ውስጥ ነዋሪነታቸው “በአዋጁ መሰረት” የተሰጠ።
4. የት እንደሚኖሩ ምንም ዓይነት ሰነድ የሌላቸው ሰዎች ፣ የዲጂታል መታወቂያ ያለው ሰው እንደ ምስክር ይዞ በመቅረብ መመዝገብ ይችላሉ።
5. ማንኛውም ለምዝገባ ብቁ የሆነ ሰው id.et/proof ላይ በተጠቀሰው መሰረት ተቀባይነት ያለው የማንነት ማረጋገጫ ማቅረብ ይኖርበታል።
6. ለፋይዳ ዲጂታል መታወቂያ የት መመዝገብ እችላለሁ?

ለአገልግሎቱ ብቁ የሆኑ ዜጎች የኢትዮ ቴሌኮም አገልግሎት መስጫ ማዕከሎችን እንዲሁም ምዝገባ እንዲያደርጉ ፈቃድ ያላቸው አጋሮች ጋር መመዝገብ ይችላሉ፡፡ የባዮሜትሪክ መረጃ መስጠት ስለሚጠበቅብዎ ለአገልግሎቱ በአካል መቅረብ ይጠበቅብዎታል፡፡

4. የፋይዳ መታወቂያን ለማግኘት ምን ያክል መክፈል ይኖርብኛል?

ለዲጂታል መታወቂያ በነፃ መመዝገብ ይችላሉ፡፡ የኢትዮጵያ ዲጂታል መታወቂያ አዋጅ መሰረት በስኬት መመዝገብዎን የሚገልፅ “የፋይዳ መለያ ቁጥር” በፅሁፍ መልዕክት የሚደርስዎ ይሆናል፡፡ ይህም ማለት የተረጋገጠ “የፋይዳ መለያ“ አለዎት ማለት ነው፡፡ ነገር ግን የታተመ የፋይዳ ዲጂታል መታወቂያ ከፈለጉ የህትመት የሚከፍሉ ይሆናል፡፡

5. ለፋይዳ ዲጂታል መታወቂያ ለመመዝገብ ምን ያክል ጊዜ ይፈጅብኛል?

ሁሉም መረጃዎች በተሟሉበት ሁኔታ ለፋይዳ ዲጂታል መታወቂያ ለመመዝገብ በአማካኝ ከ5 እስከ 10 ደቂቃ ይፈጃል።

6. የፋይዳ መለያ ቁጥር ለማግኘት ምን ያክል ጊዜ ይፈጃል?

በተሳካ ሁኔታ ምዝገባዎን ከአጠናቀቁ በኋላ መረጃዎን የማረጋገጡ ሂደት ጥቂት ደቂቃዎች አልያም የተወሰኑ ቀናት ሊወስድ ይችላል፡፡ ልዩ የፋይዳ መለያ ቁጥርዎ በምዝገባ ወቅት ባስመዘገቡት የሞባይል ቁጥር ቁጥር የሚላክልዎ ይሆናል፡፡ ያስመዘገቡት ቁጥር ሊቀየር የማይችል ብቸኛ እርስዎ የሚገኙበት አድራሻ በመሆኑ ሲያስመዘግቡ ጥንቃቄ ያድርጉ፡፡

መረጃዎን ሲስተም ውስጥ ለማስገባት እና ለማረጋገጥ በእጅ (manually) ከሆነ ጥቂት ቀናት የሚወስድ ሲሆን መዘግየት ቢኖርም ነገር ግን ማረጋገጫ ቁጥርዎን በ9779 ወይም National ID Ethiopia በሚል የፅሁፍ መልዕክት የሚላክልዎ ይሆናል፡፡

7. ከምዝገባ በኋላ መረጃዬን ማስተካከል እችላለሁ?

ደንበኞች የግል መረጃቸውን በማንኛውም ጊዜ ያረጋግጡልኛል ያሏቸውን ሰነዶች በኦንላይን ወይም በአካል በማስገባት ማስተካከል ይችላሉ፡፡ ይህ አገልግሎት ከተወሰነ ጊዜ በኋላ የሚጀምር ሲሆን በአሁኑ ጊዜ መረጃ ማደስ አይቻልም።

8. ለምዝገባ የሚያስፈልጉ የሰነድ ማስረጃዎች ምን ምን ናቸው?

አሁን ላይ የሚኖሩበት ትክክለኛ አድራሻ እና የማንነት ማረጋገጫ ያስፈልጋል። እንደ፦

• የቀበሌ መታወቂያ፣ ፓስፖርት፣ መንጃ ፈቃድ እንዲሁም ሌሎች ህጋዊ ተቀባይነት ያላቸው የግለሰቡ መለያዎች በማስረጃነት መቅረብ ይችላሉ፡፡ ለተጨማሪ ዝርዝር gov.et/proof ይሄን ይጫኑ
• አንድ ግለሰብ ለመመዝገብ ትክክለኛ ሰነድ ማቅረብ ካልቻለ ዲጂታል መታወቂያ ያለው ሰው ምስክር አምጥቶ መመዝገብ ይችላል።

9. የፋይዳ መለያ ቁጥር ከጠፋብኝ/ከረሳሁት እንዴት መልሼ ማግኘት እችላለሁ?

የፋይዳ መለያ ቁጥርዎን መልሶ ለማግኘት በምዝገባ ወቅት የሞሉትን ግላዊ ወይም የባዮሜትሪክ መረጃዎን በማቅረብ እንዲሁም አቅራቢያዎ የሚገኝ የምዝገባ ጣቢያ በመጎብኘ ማግኘት ይችላሉ፡፡ ይህን በማድረግ የፋይዳ መለያ ቁጥርዎን በቀላሉ በፅሁፍ መልዕክት ወይም ከምዝገባ ጣቢያዎች ማግኘት ይችላሉ፡፡

ይህ አገልግሎት በቅርቡ የሚጀምር ሲሆን የምናሳውቅዎ ይሆናል፡፡

10. ለፋይዳ ዲጂታል መታወቂያ መመዝገብ ግዴታ ነው?

የፋይዳ ዲጂታል መታወቂያ መብት እንጂ ግዴታ አይደለም። ሆኖም የዲጂታል መታወቂያ አዋጁ እንደሚለው፡- “ማንኛውም አካል አገልግሎትን ለማቅረብ ዲጂታል መታወቂያን የግዴታ መስፈርት አድርጎ የማቅረብ ህጋዊ መብቱ የተጠበቀ ነው።

11. የውጭ ሀገር ዜጎች ዲጂታል መታወቂያ ማግኘት ይችላሉ?

አዎ፤ ኢትዮጵያ ውስጥ በህጋዊ መንገድ የሚኖሩ የውጭ ሀገር ዜጎች የነዋሪነት መታወቂያቸውን፣ ፓስፖርት ወይም ሌሎች ተዛማጅ ሰነዶችን በመጠቀም ዲጂታል መታወቂያ ማግኘት ይችላሉ።

12. የፋይዳ ዲጂታል መታወቂያዬ የመጠቀሚያ ጊዜው ሊያልፍ ይችላል?

የዲጂታል መታወቂያ ለአንድ ግለሰብ ልዩ የሆነ የህይወት ዘመን ቁጥር ነው። ሆኖም ግን የካርዱ እና የባዮሜትሪክ መረጃ በተወሰነ ጊዜ መታደስ አለበት። አሁን ላይ የካርድ እና የባዮሜትሪክ መረጃ በየ10 አመቱ የሚታደስ ይሆናል።

13. በክልል ደረጃ ምዝገባ የምትጀምሩት መቼ ነው?

በቀጣይ አንድ ዓመት ጊዜ ውስጥ በሁሉም የክልል ዋና እና በተመረጡ ከተሞች የሚጀመር ይሆናል፡፡ የፈረንጆቹ 2025 ከመጠናቀቁ በፊት 90 ሚሊዮን የተለያዩ የገቢ ደረጃ ላይ ላሉ እና የከተማ መስፋፋት ውስጥ ለሚካተቱ ማህበረሰቦች ለመመዝገብ ታቅዷል፡፡

14. የታተመ የፋይዳ ዲጂታል መታወቂያዬን እንዴት ማግኘት እችላለሁ?

በብሔራዊ መታወቂያ መተዳደሪያ ደንብ መሰረት ዲጂታል መታወቂያ የሚባለው ለግለሰቡ የሚሰጠው ልዩ መለያ ቁጥር ሲሆን ይህ ቁጥር ምዝገባዎን ካጠናቀቁ በሰዓታት ወይም ከጥቂት ቀናት በኋላ በነፃ በሞባይል ቁጥርዎ የሚላክልዎ ይሆናል፡፡ የዲጂታል መታወቂያ በሚጠየቁበት ጊዜ ይህን ልዩ ቁጥር በመስጠት ማንኛውንም አገልግሎት ማግኘት ይችላሉ፡፡

በቅርቡ የዲጂታል መታወቂያ ህትመት አገልግሎት በመጀመር የምናሳውቅዎ ይሆናል፡፡ ነገር ግን ለህትመት ዝግጁ የሆነውን መታወቂያዎን በቴሌብር ሱፐርአፕ ላይ መለያ ቁጥርዎን ተጠቅመው ማግኘት ይችላሉ፡፡

15. የቀበሌ የነዋሪነት መታወቂያ በፋይዳ ዲጂታል መታወቂያ ይተካል? ያላቸው ግንኙነትስ ምንድነው?

አይተካም፤ የከተማ እና የክልል የመንግስት ነዋሪ መታወቂያ ካርድ የሚሰጡት በአካባቢ አስተዳደር ነው። ነገር ግን “ፋይዳ” ዲጂታል መታወቂያ በአገር አቀፍ ደረጃ የሚሰጥ ነው። ሁለቱም “ቀበሌ” እና “ፋይዳ” እጅ ለእጅ ተያይዘው እንዲሰሩ የማድረግ ስራ እየተሰራ ነው። ዲጂታል መታወቂያ ማንነትን የሚያረጋግጥ መሠረታዊ መታወቂያ ሲሆን የቀበሌ መታወቂያ ግን ተግባራዊ መታወቂያ (አገልግሎት ለማግኘት የሚጠቅም) ነው። ዲጂታል መታወቂያ የመኖሪያ አካባቢ ገደብ ሳይደረግበት በሀገሪቱ ውስጥ በየትኛውም ቦታ በተፈቀደ አካል ሊሰጥ የሚችል የአንድ ሰው ልዩ መለያ ነው። በአንፃሩ የቀበሌ መታወቂያ ሊሰጥ የሚችለው በሚኖርበት ቀበሌ ብቻ ነው።