ኢትዮ ቴሌኮም የሀገራችን የ4ጂ ኤል.ቲ.ኢ አገልግሎት ተጠቃሚ ከተሞች ብዛት 417 አደረሰ!

ኩባንያችን ከጊዜው ጋር አብሮ እየዘመነ፣ የማህበረሰባችን የኑሮ ዘይቤን ለማቅለል እና አሰራርን ለማዘመን የሚያስችሉ ዓለም የደረሰባቸውን ቴክኖሎጂዎች አገልግሎት ላይ ከማዋል ባሻገር በየጊዜው የተለያዩ የማስፋፊያ መሰረተልማቶችን በማድረግ የሃገራችንን የዲጂታል ኢኮኖሚ እና ሁለገብ እድገት ለማረጋገጥ በቁርጠኝነት እየሰራ ይገኛል፡፡

በተለይም ከፍተኛ የዳታ አጠቃቀም በሚታይባቸው 79 የሚሆኑ የሀገራችን ከተሞች አዲስ የ4ጂ ኤል.ቲ.ኢ የሞባይል ኢንተርኔት አገልግሎት ማስፋፊያ ፕሮጀክቶችን በማከነናወን በይፋ አገልግሎቱን ያስጀመረ ሲሆን፣ አጠቃላይ የ4ጂ ኤል.ቲ.ኢ አገልግሎት ተጠቃሚ የሀገራችን ከተሞች ብዛት 419 አድርሷል፡፡  

ኩባንያችን የቴክኖሎጂ አቅሙን በማሳደግ፣ የመሠረተ ልማት አውታሮችን በመዘርጋት እንዲሁም በሁሉም የሀገራችን አካባቢዎች ተደራሽ በማድረግ ለዜጎች አስተማማኝ አገልግሎት በማቅረብ አዳዲስ እድሎችን በመፍጠር፣ ዘላቂ ልማትን በማምጣት፣ ፈጠራንና ስራ ፈጣሪነትን በማበረታታት ከፍተኛ ድርሻ በማበርከት ላይ ይገኛል፡፡

በቀጣይም የዳታ ትራፊክ እድገትና ፍላጎትን መሠረት ባደረገ መልኩ በዕቅድ ይዞ እያከናወናቸው ያሉ የ4ጂ ኤል.ቲ.ኢ አገልግሎት የማስፋፊያ ሥራዎችን በማጠናቀቅ በተለያዩ የክልል ከተሞች አገልግሎቱን በስፋት ተደራሽ የሚያደርግ ይሆናል፡፡